in die wind

soos ‘n fluistering

kom jou stem na my

aangedryf deur koue

vriesende wind

 

 

dit is verby

die stryd volstry

die dag is verby

nag het gedaal

 

 

maak dit saak

of dit maande of weke

of selfs dae sal duur

prognose is finaal

 

 

ek klim op die wind

wat van ver uit poolsirkel

sy vlerke hier kom sprei

weg te kom van nou

 

 

saggies huil my lewe

homself in golwe weg

golwe wat opstaan

voor ewige wind

 

 

©Teárlach.