Jy ken my pers
Jy koester my
in teder sillabes
van jou stil-verstaan
kom plant vir my blomme
in ‘n vergulde Lunabaan –
wys só
dat jy my psige
kan vertaal.
(Gemeet op ‘n skaal van
een tot tien
het jy tóg my binnekant
verskuild gesien)
Dan as moegheid
soos ‘n ou-ooi gaan lê
kronkel jy my toe
in ‘n trooskombers
met verskillende kwaste
van pers.
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
3 Kommentare
-
Sterretjie
Woorde altyd keurig en kleurvol - ou ooi gaan lê -oulik gestel.
-
Ronel Janse van Vuuren
Pragtig.
Maak 'n opvolg-bydrae
Jy moet aangemeld wees om 'n kommentaar te plaas.
neels
soos altyd toor jy met woorde in jou gedigte en laat my elke slag verstom oor jou besondere talent