Jongste aktiwiteit:

Kedoompie

Ek’s ‘n eier
goed hardgekook,
sê jy, so al bars my dop
bly wit en geel apart gestol,
kom niks uit wat die atmosfeer
in jou gemaksone enigsins sal steur.
Jy kan sê net wat jy wil, my bestook,
binne ‘n kring blou vol yster en wind,
wat jou erg ongemaklik kan opblaas,
bly ek op my plek en heel baas
oor elke emosie, elke seer
en elke kraak.

Ek balanseer op ‘n muur half vas
met stukkies wondergom,
onseker van my waarde
en my en jou streng standaarde
en soms stukkies sement
van ander wat wonder wat word

Maar toe val Dumpty af
raak heeltemal simpel laf,
breek totaal in stukkies oop.
Hy sê hy het nooit geweet
dat alles so deurmekaar kan loop,
het vir soveel meer in ‘n vrou gehoop,
haar as sterk en die ergste in beheer beskou.
Maar sy was toe binne saf
en al die tyd loopsag, drillerig, rou.

© Charleine Collins 18 Februarie 2019




Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed