KERSFEES

‘n Kind is vir ons gebore,
‘n Seun is vir ons gegee

Ag Here, hoekom? Sodat ons ons kinders kan verniel? Sodat ons hulle kan laat verhonger en doodgaan?

Het U geweet wat ek met my kind sou doen toe U hom vesel vir vesel geweef het in my skoot? Het U geweet van my ongeduld en selfsug; van my [soms] intense begeerte na stilte en [selfsugtige] privaatheid?

Ja, U het.

En tog

‘n Kind is gebore
‘n Seun is gegee

sodat ek weer kind mag word.