Koggelroep
die son het my gekoggel
terwyl sy strale verblindend
asof tussen glasskerwe kaats
en elke slukkie windasem word gesteel
onder ‘n Mopani wou ek gaan sit
maar die wind het my vel geskroei
onwillekeurig het my voete pad gevat
opsoek na ‘n dowe plek
sonder ‘n koggelroep
dit was egter eers
deur die donker skadu’s
van die na-nag (daar iewers
in die ooste) onder die wysheid
van drie helder sterre
wat ek my sakke met wysheid kon vul
en opeens het ek geweet –
ek het weer opnuut
my pad na redding gevind
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
Maak 'n opvolg-bydrae
Jy moet aangemeld wees om 'n kommentaar te plaas.