liefde in blomme

–
oranje kombers van blommetjies
sloer oor die duine in wriemelende groei
in helder sonstrale met wyd oop oë
–
plate wit gesiggies met pers kerns
buig en pronk vrolik in ligte lente windjie
net bye dra stuifmeel rond en bont
–
sonder vrede was ek redeloos, wild
maar met vrede in my hart word alles stil
ontdek ek dat Hy maar altyd daar was
–
blomme tyd is liefde-tyd in vrede
heinde en verre se verkeer kom soek dit
om gees te kom verryk daarmee
–
koester die liefde van vrede in jou hart
maak elke geur en kleur van Sy skepping
deel van jou liefde vir Hom wat jou liefhet
–
©Teárlach