Maak my nuut

Sit my neer op hoë plekke en
maak my nuut

Maak my los van verdriet se giet en
grendel my gister toe

Kap die rots waarop my waan staan en
beitel my oog se lens

Behoed my sorgsaamheid se hand en
vergroot my arm el

Maal my korrelgroot weer fyn en
huisves my in die hede

Sluit my sluis weer oop en
dra my poog en polslag vol

Vaar my son in water geel en
verf my vrede vars

©Sonja Peacock – 2017