vir
Gedigte
My konstant
My konstant
Jy hang in die agtergrond van my lewe
onveranderlik en steeds teenwoordig
want jy laat my nooit alleen.
Jy verwarm my gemoed
en jaag my liggaams temperatuur
volstoom die hoogtes in.
Jy is my konstant
wat my hart laat warm voel
en my siel laat opkyk.
Getrou groet jy my elke dag
en laat my, met jou onwankelende
strale van lewe, glimlag.
Ek is verseker van jou vir nou
jy min my onvoorwaardelik
met jou blote bestaan.
Jy is myne liewe son
die konstant wat elke oggend
vir my en oor my, blom.
2 Kommentare
-
-
Vellies
Dankie Kiekies #glimlag
-
Maak 'n opvolg-bydrae
Jy moet aangemeld wees om 'n kommentaar te plaas.
Kiekies
Ha, ek voel ook so oor die son! Pragtig.