‘n Hart wat omgee (Silwer)
te midde van onweerswolke
en dreigende gevaar
rank drome soos wierook
om verwagting te baar
te midde van entiteit
se vooroordeel en gis
wens ek vir die nuwe jaar te vra
dat my oog regverdig sal kyk
nie van goeie waardes afwyk
dat my hand oop sal gee
nie vuisvorm en onmag skree
dat my oor simpatiek sal luister
nie oordeel of onmin fluister
want te midde van onsekerheid
bid ek dat my hart liefde sal stort
elke geleentheid met verwagtig sal omgord
©Driekie Grobler (2021)
3 Kommentare
-
Anze
Pragtig, baie dankie vir jou bydrae tot die Januarie 2021 – Verwagting/e-projek
-
Driekie
Dankie Helena, waardeer die lees en kommentaar, mag 2021 vir jou 'n uitsonderlike jaar wees.
Maak 'n opvolg-bydrae
Jy moet aangemeld wees om 'n kommentaar te plaas.
HelenaMellet
'n Mooi gebed vir 2021, Driekie! Ek gaan hom beslis die jaar in met my saam vat.