Net ’n verlangversie
ek verlang na jou
soos perlemoen aan rots wil klou
soos branders oor die sand wil vee
en verbonde met wit strande smee
ek verlang na jou
soos meeue van oop ruimtes hou
soos ’n walvis na ’n oseaan
en die vryheid om sy weg te baan
ek verlang na jou
soos malgasse wat net eenmaal trou
soos ’n albatros na stormwind
so wens ek om jou weer te vind
soos ’n seilskip na die waters blou
só hunker ek vandag na jou
© Carma Shaw
13 September 2019
6:55
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Seirdna
Dis mooi!