Teerheid
Teerheid
Die mens het ‘n onbewuste teerheid,maar
dis instinktief by die dier, en gewaar die
hen ‘n valk wat in die lug bokant hulle
sirkel kloek sy ‘n waarskuwing en die
kuikentjies kruip onder haar vlerke in
en die wildsbokkies waak en steek hulle
lammertlies weg in obskure lêplekkies —
Teerheid is by die mens ‘n innerlike ingesteldheid
en dit straal uit die oë en hele wese en ‘n tere
aanraking kom nie net van goed versorgde fyn
hande nie, want hulle is soms hard en meedoënloos—
Harde werkershande is ook net so teer en
kan saggies oor ‘n wang streel en ‘n babatjie
sag en teer aan die slaap sus en sagkens
‘n donsige kuikentjie of voëltjie versigtig in
die holte van sy sterk hande hou—
Niks oortref ‘n moeder se tere sagtheid met
haar baba aan haar boesem nie en wie of wat
kan ooit Sy kruishoutliefde en teerheid oortref
as hy sê:
Kan ‘n moeder ooit haar suigling vergeet?
Janetta – Helena [Babs]©
4 Kommentare
-
-
Janetta-Helena Boonzaaier
Baie dankie Anze, ek waardeer jou kommentaar so baie!
-
-
Vonnie
Jou koppeling van "kan 'n moeder ooit haar suigeling vergeet?" aan Jesus se liefde vir die mens wat deurlopend is wat betref die liefde van mens en dier (ook mens vir dier en andersom) is sooo treffend!
-
Janetta-Helena Boonzaaier
Baie dankie Vonnie, ek waardeer jou mooi kommentaar op die gedig so baie!!
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
baie mooi tannie Babs