Toerwoer
Langs my lê die wonders van Afrika
reg om my begroting se balans te pla
ek sien die oseane in beeld ontvou
met kleurkorale wat my asem laat ophou
gooi die piramides in Egipte nie weg
klipwonders in hulle eie reg.
Al die Nasionale parke laat my hart trompetter
met wild wat oral grom en brul en kwetter
tussen bome wat eeue al hulle wortels sprei
in berg, woestyn, kaal vlaktes en groen vallei.
Gelukkig is my verbeelding wyd en oop
daarom reis ek sonder om iets te koop.
IronLady
Dink woorde is die mooiste en beste ding in die heelal. Hou van opbouende kritiek.
5 Kommentare
-
Elizabeth
Besonders...
-
IronLady
Baie dankie.
-
Koos Elsum
Dankie iets positief vir my Afrika! Is die gedig ń eenheid of is daar twee / drie strofes om die “wit” te gebruik sal die gedig nog beter maak.
-
IronLady
Dankie vir jou positiewe voorstel. Ek het nie eens daaraan gedink nie. Dit sal definitief 'n groter impak maak. Shalom
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2022 – OOP projek