Voëltjies vergeet
oor die dor van Vrystaat vlaktes
huil die winterwind – so skraal –
weer ritselend deur pluime gras
in rou gekleed, en vaal
‘n koester vlieg steeds weer en heen
alsó deinend is haar vlug
oor gister sal sy nimmer ween –
in elke droom vind ek dit t’rug
© C. Shaw
13 April 2016
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
4 Kommentare
-
Arnold
Ek hou veral van strofe een.
-
Anze
baie mooi vasgepen Carma
-
Kiekies
Dit raak aan my siel: oor gister sal sy nimmer ween – in elke droom vind ek dit t’rug
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig geskryf carma