Vrydag
Tien vingers aan Sy hande
een vir elk gebod
‘n doringkroon
‘n lendelap.
Is dít die Seun van God?
‘n Houtkruis teen ‘n heuwel
vyf tone aan elk voet.
Bitterwyn en spykers
donkerson
en bloed.
© Carma Shaw
14 April 2017
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
2 Kommentare
-
-
Viooltjie
Baie dankie, Neels. Ek waardeer dit regtig :-)
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Kort gestel maar baie goed gedoen