vryheidswaan (Goud)
stap ek en jongboet
in die natlek-terugtrek
van die see se
brekende branders
dáár waar die grotes
rotse wil klief
hul woede mistig uitspoeg
in fyn misreën
vra jongboet… is branders nuut?
sê ek… ek is nie seker nie
vra jongboet… en is hulle vry?
sê ek… sekerlik nie
dalk is die groot vertoon maar vryheidswaan
wat diepsee blou en stilweg taan
- vryheidswaan – in die waan dat daar vryheid is
- jongboet – die teenoorgestelde van ouboet
2 Kommentare
-
Seirdna
Ongelooflik skitterend hierdie Elmarie
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Februarie 2023 BLOU projek