Brose Baba

Denise kyk af na die klein wese wat op haar bors lê en slaap. Sy kan sy vinnige hartklop teen haar voel. Sy sluk swaar. Reën spat teen die venster en die stormwolke maak die vertrek donker. Skadu’s druk teen hulle.

“Jy is so broos.”

Sy vryf oor sy koppie.

“Ek sal my bes doen om jou veilig te hou. Maar wanneer jy groot genoeg is, sal jy self moet veg vir wat jy wil hê.”

Hy druk sy gesiggie stywer teen haar, asof hy haar in sy slaap antwoord. Denise glimlag.

“Jy is absoluut perfek.”

Sy buig voorentoe en soen hom op sy voorkop. Hy gaap en sy pienk tongetjie lyk helder teen sy donker gesiggie.

“Kyk net daai tandjies! Eendag gaan jy lekker kan byt.”

Met een hand op sy warm lyfie, raak Denise weer aan die slaap; die baba rottweilertjie snoesig teen haar.

*Brons stêr kategorie.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag