DIE OGGEND SE BELOFTES
Die oggend rol sy nuwe beloftes
soos ‘n piekniek kombers
langs my verdorde harts dam oop
en bring vir my ‘n bottel soetwyn
maar die inhoud leeg
Ek stap en hou net aan met stap
terugkyk maak te seer
en soek die gelouterde kwyl spore
van die oggendson se oopbek glimlag
by elke boggelrug krans op my pad
Ek lees vergete dae se briefies
onder elke klip posbus langs wit seestrande
en smeek genade by die strandlopertjies
wat soos ballerinas
voor die skuim vingers van die branders dans
Die oggend se beloftes
roep my luidkeels nader
maak vir my ‘n sakkie oggend sonstrale oop
en laat my toe om dit te bêre in my hart
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Kiekies
Jinne hierdie een is ook puik! Veral: Ek lees vergete dae se briefies onder elke klip posbus langs wit seestrande en smeek genade by die strandlopertjies wat soos ballerinas voor die skuim vingers van die branders dans