Jongste aktiwiteit:

Exodus van ‘n stadskind (goud)

hoeveel keer moes jy jouself verskeur
dapper stapper stadskind?

vir die omkeer
voor die verweer
voor fakkels van vergeet
in die verdowende rinnewasie …

bemors is jou stad
en besoedel jou hart

van swetswonde tussen die gejaag
en letsels van ‘n tong
wat skuur aan uitgedroogte lippe-

want jou dorstigheid
jou sielloosheid

is die rotte wat aan jou knaag
in die kiltes van jou gees,

jy wat die wyn en haat uitspoeg
soos ‘n goedkoop ligtekooi

wat die drek van wellus
met ongesiende trane meng
en blind in neon strate sing-

hoor jy nog die kranse roep
met reveil,
en jy wat nog ‘n tuiste soek …

©Morné du Preez




1 Kommentaar

Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed