God se skilderkwas

Die plat vlaktes van die vrystaat
natuurskone karoo
alles sing ‘n loflied na Bo
want God se skilderkwas
sal altyd verstom en verras-
dis groenskakerings te veel om te tel
grou landskappe wat oral rond pryk
bruine wat nooit dieselfde lyk
alles saamgesmelt tot een groot geheel
om weer vandag my hart te steel.

Ek kan net inneem en waarneem
en dankie sê:
dankie Heer
laat U my so telkemale leer
U is die grootste landskapargitek
U wat skakerings nadertrek
om U teenwoordigheid bekend maak
ons harte aan te raak
en boonop ons vertrou
om oor U Godgegewe skildery
wag te hou.

Kopiereg 2016
Elna Kruger