Welkom, Besoeker
Welkom, Besoeker
Taal waarskuwing*

Titel: Half Lewend

Deur Caren Kearley
Datum gepubliseer: 28 Julie 2021 Aantal woorde: 101 88 Kere gelees 1

Uitgespoel
staan ek kaalvoet op ‘n oop strand
voor my breek branders
binne splinter my siel
agter lê ‘n land in skerwe
ek voel anders
noudat ek weet
lewe en dood is sekondes weg van mekaar
en liefde is maar net ‘n geloof

ek tel ‘n klippie op en gooi dit in die see
tel tot tien, wag nog ‘n wyle
maar niks het verander nie
ek draai om en stap ooswaarts

my spore lê in die sand
my asem blaas in die wind
maar ek lê uitgespoel

êrens op ‘n planeet
saam met ander mense.

© Julie 2021 Caren Kearley
Kopiereg voorbehou




TEMAS
1 Kommentaar
  1. Anze

    28 Julie 2021

    Pragtig, baie dankie vir jou bydrae tot die Julie 2021 – OOP projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 176
Kommentaar telling: 29

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 131 gaste aanlyn

Bydraes – Argief