Hunkering

(Cantena Rondo)

In laaste strale van die dag
verrys ‘n skel geskree van ‘n tarentaal
sag in die agtergrond vertel ‘n paddakoor hul verhaal
in laaste strale van die dag

verrys ‘n skel geskree van ‘n tarentaal
kom sit hartsverlange sag in ‘n traan
weef beelde van onthou onder wakende oog van maan
verrys ‘n skel geskree van ‘n tarentaal

kom sit hartsverlange sag in ‘n traan
my hart krimp ineen van dae waar tyd vergaan
verlangend na wie nou in stof voortbestaan
kom sit hartsverlange sag in ‘n traan

my hart krimp ineen van dae waar tyd vergaan
teer onthou my oë mooi herinnerings
geskep uit ‘n veelbewoë lewe met ontberings
my hart krimp ineen van dae waar tyd vergaan

teer onthou my oë mooi herinnerings
wyl vlonkerende sterre vir my knipoog en glimlag
iewers sing krieke hul kriekkesang sag
teer onthou my oë mooi herinnerings

wyl vlonkerende sterre vir my knipoog en glimlag
in laaste strale van die dag
onthou ek lewe se belowende mooi lag
wyl vlonkerende sterre vir my knipoog en glimlag

in laaste strale van die dag
verrys ‘n skel geskree van ‘n tarentaal
sag in die agtergrond vertel ‘n paddakoor hul verhaal
in laaste strale van die dag.

©Taai Bonthuys
29/12/2020

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag