Welkom, Besoeker
Welkom, Besoeker
Verwys na kategorie

Oktober 2021 – Akrostiese projek

Beste INKers

Hierdie maand gaan ons die Akrostiese kuns in ons werk ondersoek.
In Akrostiese digwerk sal die eerste letter in elke sin ‘n spesifieke woord versteek.

Dit is nie juis gebruiklik in Prosa nie maar ek gaan probeer om daardie afdelings ook bietjie interessant te maak.

U opdrag dus:

DIGTERS
1. Skryf ‘n akrostiese gedig waar die woord “Oktober” of “Oktobermaand” jou “versteekte” woord vorm.
2. Ek deel ‘n hieronder ‘n voorbeeld:
Onder die eike
Kruip woorde
Tussen blare weg –
Ons stil stories
Bedel ‘n weer-hoor;
Elk’ vokaal
Resoneer amper kaal
Metafories vaal,
Amper asof
Asemweg en lugloos
Niks meer heel en mooi
Daaruit gebaar kan word nie.
©Inkmoderator

GORREL:
Leipoldt het beweer, in een van sy gedigte dat Oktober die mooiste, mooiste maand is. Ek wil hê jy moet met hom stry in jou gorrel dat dit nie waar is nie.

ARTIKELS:
Oktobermaand word jaarliks in Duitsland gevier. Skryf ‘n goed-nagevorsde artikel oor enige jaarlikse fees wat op enige plek in die wêreld gevier word.

RUBRIEK:
Skryf ‘n rubriek oor hoe jy reeds in Oktober bewus gemaak word van dat dit amper weer Kersfees is.

VERHALE:
Skryf ‘n verhaal waarin een van jou karakters se naam “Oktober” is.

Skryf in Afrikaans; dit is die gaafste ding wat jy vandag sal doen.

Gebruik die geleentheid om jou eie stempel op jou werk af te druk.

Skryf heerlik in Afrikaans.
Skryfgroete
Projekbestuurder
*Skryf in Afrikaans, dis ‘n goeie gewoonte.

*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE

Oktober 2021 – Akrostiese projek: Kommentaar en Uitslae

Deur Datum gepubliseer: 7 Desember 2021 11

INK OKTOBER 2021 KOMMENTAAR EN UITSLAE

Baie geluk aan hierdie 10 lede!

GEDIGTE:

GOUD:
No 18 – Anzè Bezuidenhout met Skellig
No 6 – Anzè Bezuidenhout met Oktobermaand
No 17 – Andries Fourie met Laat Oktober

SILWER:
No 12 – Zebulon Kochk met Kaal werf
No 1 – Driekie Grobler met Somerglans
No 13 – Amanda De Meillon met…

Oktober – nié ons “mooiste, mooiste maand”. (SILVER)

Deur Datum gepubliseer: 31 Oktober 2021 13

Oktober – nié ons “mooiste, mooiste maand”.

So amper verbeel ek my ek hoor jou, Mnr C. Louis Leipoldt wat die welbekende woorde voordra:
“Dit is die maand Oktober,
die mooiste, mooiste maand!
Dan is die dag so helder,
so groen is elke aand,
So blou en sonder wolke
die hemel heerlik bo,
So blomtuin-vol van kleure
die…

OKTOBER (SILVER)

Deur Datum gepubliseer: 31 Oktober 2021 16

Oktober

Oktober is die mooiste
Kalendermaand
Telkens so aan ons
Oorgedra deur die
Bekende Leipoldt:
Enig in sy liefde vir
Roerende woordkuns

©Marlene Erasmus
31/10/2021

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

0 Lid, 107 gaste aanlyn

Bydraes – Argief