Jongste aktiwiteit:

Kindwees

‘n Eensaam traan gly stadig
oor die geplooide wang,
veg moedig vir ‘n oomblik
teen swaartekrag se drang,
en stort dan vinnig
sonder weerstand
blinknat straal
tot op die sand.

‘n Hand wat bewend
agternavee om te stop
die stortvloed weer
van hart wat pynklop
diep hier binne, en wat vra
ag hoekom, waarom Heer?
Het ek, wat tog U kind is,
nog so baie om te leer?

Dan kom die antwoord sag, welluidend,
want dis God wat met my praat:
“Onthou jy nie die spykers, dorings, kruis nie?
So is selfs Ek gespoeg, gespot, gesmaad….
en omdat jy my kind is
gekoop, gered, betaal,
sal jy telkens self die pyn voel,
tot Ek jou, my kind, kom haal.

©29/09/2010 Anton Bosch




Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed