My beminde in droom
bruin gebrand aantreklik verby
om in sy skaduwee te sit is hemels
sy liefde soet gegeur met ‘n glimlag
hou hy my vas tussen die lelie van dale
omring is ek met sy sterke arms
keurig verkwik ek my in sy nabyheid
soos ‘n klok klink sy stem in my ore
terwyl sy lippe oor my nek speel
my beminde is myne en ek is syne
wat herder is onder die lelies
sy bene is soos marmer pilare
sy liggaam die kunswerk van ivoor
op my bed het ek hom gesoek
my sielsbeminde nie gevind
totdat die aandwind waai
en die skaduwees vlug
my beminde in ‘n droom
‘n vae onthou so naby tog so ver
roep ek die aandster nader
in oogwink verby my beminde weg
Louisa van Vliet
Amazon
Ek is n kind van God en is Jesus Christus my alles. Ek baie ingesteld op die waarheid en is heeltemal gekant teen leuens. Opregtheid en Eerlikheid is n passie by my. So wat ek in my gedigte en stories bring, is op die waarheid gebaseer. Alles wat my in die lewe geraak het, bring ek in my gedigte uit. Ek is n Afrikaner en murg en been. Wat jy sien, is wat jy kry. Spontaniteit en vriendelikheid is my lewe. As jy op my tone trap, gaan jy my beslis van hoor. Ek se n ding reguit en draai geen doekies om nie. My gehoorsaamheid word aan God die Eer gegee, want Hy is in beheer van my Lewe.
Maak 'n opvolg-bydrae
Jy moet aangemeld wees om 'n kommentaar te plaas.