Net ‘n versie in blou

rose is nie altyd rooi nie, my lief
en net sommige viooltjies blom blou
maar suiker is altyd soet, my lief
en só ook hierdie woorde aan jou

maar wat maak die kleur van blomme tog saak
of hul geel is, of pienk is, of pers
en die soet van suiker is min ter spraak
as ek sê “ek het jou lief” in ‘n vers

die lelies van die vlei blom wit, my lief
en swart is die modder waar hul staan
maar heuning is nog altyd soet, my lief
en soos sout is die smaak van ‘n traan

rose is nie altyd rooi nie, my lief –
soms blom elke viooltjie in blou

© Carma Shaw
1 Maart 2014

* Uit my eerste bundel: Kopermaan Tot Spikkelpelikaan

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag