oorwinning

met diep blou see agter hul
formidabele drakensberge
riviere om oor te oorbrug
voor hulle – het hul getrek

met diep blou berge agter
byna droë riviere voor ons
het ons al begin terug trek
na vrye lokkende weskus

hier aan die voet van berge
met voete in goudgeel sand
staan ons rug teen die see
met oë gerig op die vlaktes

ver oor vlakte noordwaarts
strek nuwe horison vol krag
mense plant groente in sand
golwe en vis maak hulle vars

maar daar binne klop dromme
dromme van onrus en geweld
almal weet dit sal oor stroom
oor die duine aanwaai in stof

daarvoor word ons stil in gebed
ons weet – Hy sal sorg – Hy kom
met Sy wit ros voor aan die vlag
kom Hy Oorwinnaar nog gewis

©Teárlach