Wat is die kans?
Dit is gek om te glo dat die vlees die onafwendbare sal oorheers metdat die gees totaal ontkennend (in ‘n verslawingswaan) veglustig baklei téén die minimale moontlikheid en hoë onwaarskynlikheid dat hy by volle magte is om ‘n selfopgelegde doodstraf met kortsig te durf betwis. © Loretta Szikra
Moederliefde
my kind kruip in onder die vlerke van my liefde skuil veilig in die omhelsing van my hart wees knus teen my sagte vere van omgee want ek is jou moeder en jý mý kuiken wat altyd in die vlerkspan van my wese onvoorwaardelik beskerming sal vind Etna Wepener ©️
ware woning (SILWER)
ware woning Sondag is soos sproeireën na die week as die wêreld se voetval stiller word en doudruppels sagte seën uitstort weet ek: die Sabbat het aangebreek met opwinding gaan ons na Sy huis soos dit duidelik sê: die kleine kind sal vreugde by hul mammas vind so kom ons by strome van seën tuis […]
My huis is my woning
My huis is my woning My huis is my woning, maar my woning is waar ek tuis is. My woning is waar my hart is. Dis die plek waar ek lafenis soek na ‘n lank dag buite. Hier lewe herinneringe in elke vertrek. Dis my Elim na die dolheid van die stad. Ek kan oral […]
Introspeksie (Silwer 364 woorde)
Noudat ek, na jare van swoeg en sweet, wroeg en waag, die kruin van my menslike bestaan bereik het, wil ek (net vir ‘n wyle) asem skep, tot stilstand kom, ‘n oomblik verpoos, omdraai en terugkyk – voordat ek die afdraande (wat voor my uitstrek) onwillig aanpak. Hoekom dan onwillig, sou jy dit dalk vra. […]
‘n seeskulpverhaal (silwer)
o kyk die grote waters die skone winterwind het ‘n blouoogseekind gevind in seeskulpfraai kombers toegedraai koudskelet ‘n (ver)leëweeskind
STERK STILTES (BRONS AFDELING)
STERK STILTES (BRONS AFDELING) (persiese kwatryn) Honderde jare het alreeds verloop; helde het dikwels hul siele verkoop; dinge het sedertdien so verander, tog het die mens nie verleer glo en hoop. Op die water het sy hom weggesteek en die farao se spul wette verbreek: die profetiese koms moes voltooi word – sý was die […]
Huiswerk Verwarring
die huiswerk het by skool gebly onaangeraak in die bank lê die baaslose taak ongedaan die vrae onbeantwoord die somme eindig in = die stories dryf ongeskryf werk is ń mors van my rook tyd werkloosheid is mos goedkoper, ala ekonomie op ń hoër graad vermy die snelweg wat spoed na werkplek stotter voort op […]
Verlore Kind
die vars bries kring rook geurig in die blou lug oor ń mark kinders ry in sirkels deurdie labirint ń vals trein fluit op sy sirkel pad in die handels paradys lag aanbieders alles is te kry behalwe nie geld goed om ń hoek trane oor ń wang tussen die midas hutte ń verlore kind
Lesotho Kind
teen ń oop berg wang staan ń korrelkop kind onder dun kombers oë vra wat soek jy hier? ponie verergd swaai kop oor plat grasstoppels die is ń vreemde stadskind in die land van sneeu wind somer droog staan die gras altyd kort versekerd dat enige langhaar kortpad vat