Terugstaar

Terugstaar

In die grys skemerkoelte
wat agter vonkeloë dans is
gestaltes wat wieg soos
grasgolwe in gedagtewind gelaai
met ideesaad wat hoog opwaai
en dan uit penpunt
op papier ontkiem
stille woordmusiek soos
kreupele wat voort strompel
met behulp van vryheidskruk
en blinde klanke ruik as
ritme uit pen se swierdans
in trippeltreë woorde gewaar
tot jou geskrewe denke
die gepende blad verwoord
in jou oë terugstaar

© Grootvissie
Augustus 2017