Vriende

vrienskappe is kosbaar soos diepsee pêrels
vasgestring in snoere van mooi onthou
geeneen van hulle is dieselfde nie
maar tog is elkeen in my hart se klop toegevou

Party is die kleur van ‘n wilde angelier
ander weer die blou van ‘n koringblom
gedagtes vloei soos riviere sonder end
bly herinneringe aan hul liefde my siel se gom

sommige het vir ‘n korte duur vertoef
vele het ‘n lang pad saam met my geloop
wanneer die aandskemer sy kleurpalet kom verf
is ek dankbaar vir vriende wat my menswees vas kon knoop

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag