Boemelaar
met jou ou flenter-vodde hoed
oë stokstyf starend na niks
diep-kerf plooi vergete gisters
en hand wat bedelend bewe
hoekom so mors met jou lewe
steeg en karton is jou woning
daar’s vir jou geen ander plek
hoeveel lang, koue winters
lê jy hier plat, vuil uitgestrek
met kankervlekke oor jou lyf
niksseggend, taai-strak gesig
neus aan repiesmou gesmeer
is dit hoe mens boedel oorgee
voete haas snel- stil verby
te trots of besig om uit te vra
kan ons kos of ‘n geldjie bydra
jou lewe bewe ongestoord voort
jou belange, gawes, siel oorboord
een ding sou ek graag wou weet –
was jy dalk ‘n dokter, prokureur
almiskien ‘n springbok atleet?
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
7 Kommentare
-
Kiekies
Goed geskryf. Nou hoop ek dat jy hierdie vrae eendag direk aan Boemelaar sal vra.
-
Palet
Mens sal altyd wonder wie agter daai verslete klere skuil.. mooi geskryf
-
Arnold
Soms is dit beter om nie te weet van waar hy kom nie.
-
Anze
So het elkeen seker sy eie storie.. mooi en met deernis gepen
-
neels
Die wreedheid van die lewe word dik onderstreep deur hierdie werk
-
Evelyn van der Merwe
Dankie almal vir die inloer en kommentare.
Maak 'n opvolg-bydrae
Jy moet aangemeld wees om 'n kommentaar te plaas.
Amaspoke
Die werklikheid van die lewe is wreed. Maar die keuse is nie ons nie gegun . . . Pragtige werk