Die pers in my blou se verlang
Die nostalgie van die noodlot
skilder beelde
oor gister
en
wasem hier voor my
teen die ruit op
die stad se liggies
flikker dof
pers-blou
soos my gemoed
hoekom moes jy
so skielik groet
ek
mis die reuk van kampvure
en kitaar snare
en die lag van jou hart
jou soete reuk
my gesmeek
die geraas van daardie
grusame nag
in Februarie
begin al meer
soos die stad klink
en
ek
mis die waarheid in jou oë
die sterremat oop
jou hand in myne
voor daardie skielike nag
die stad se liggies
en die reën
teen my hart se venster
maak my net meer verlang
jy’t my daardie aand dan belowe
jy sal my kom haal
en die verlede aan die punt
van die maan gaan hang
maar nou
sit
ek
hier
alleen
pers-blou
oor jou.
Chantelle Holder
18 Februarie 2016
© 2016
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
8 Kommentare
-
-
Somerreën
Dankie vriendin - kom ons hoop my Afrikaanse skryf kant word weer gebore. Dankie vir jou lees xxx
-
-
borrels
"die lag van jou hart" ... pragtig!
-
Somerreën
Dankie Borrels ☺
-
-
Viooltjie
Diepseer verlange hier vasgeskryf. Goed gedoen
-
Somerreën
Dankie Viooltjie ☺
-
-
Evelyn van der Merwe
Teleurstelling oor 'n belofte wat gemaak is en nie nagekom was nie. Mooi beskrywend gepen.
-
Somerreën
Dankie Evelyn vir jou lees en mooi kommentaar.
-
Maak 'n opvolg-bydrae
Jy moet aangemeld wees om 'n kommentaar te plaas.
Anria
Die titel is baie catchy. Jou gedig is vaste-verlangend beskryf. Mal hieroor ... "en die verlede aan die punt van die maan gaan hang" *stunning*