Welkom, Besoeker
Welkom, Besoeker

Titel: “Europa is ‘n baie mooi plek”

Deur Viooltjie
Datum gepubliseer: 19 Maart 2016 Aantal woorde: 144 1166 Kere gelees 17

Maar hier in Afrika
stap ons (soms nog) agter beeste aan –
verby bar fonteine
baan ons onse weë
oor droë lande
en met stofpaaie langs
na velde waar daar weiding is.

Ons leef bewus
van die hemele se blou
die louheid van die môre
die middagson se skroei.
Ons ken sand en ons ken klip,
ons weet van vuur.
Ons hunker na die reën
en na riviere 
vol in vloei.

Ons vind genade
in elke greintjie groen.

Ons struikel in ons loop
ons wankel, maar bly hoop
ons ken huil en ons ken lag.

Ons wonder oor mooi plekke 
wat verweg
agter horisonne wag.

Maar hier in Afrika
stap ons (soms nog) agter beeste aan
selfs midde in die felste somer.
Soek . . .
en vind ‘n sweempie nuwe gras
waar – net gister nog –
bloot 
die dórste aarde was.

© C. Shaw

19 Maart 2l016




TEMAS
8 Kommentaar
  1. Toom

    19 Maart 2016

    Baie goed opgevat. Ek ken hom. daai deng. Hy is soos ‘n veljeuk in jou rug waar jy nie kan bykom nie.
    Ja, ek ken hom. Die heimwee. Aag, man, hoekom doen jy dit my aan?
    Ja, baie goed opgevang!
    GvT

  2. neels

    19 Maart 2016

    wat n treffer soos net Carma kan skryf

  3. Anze

    22 Maart 2016

    n groot wow.. pragtig!

  4. Kiekies

    22 Maart 2016

    Dit maak my sommer tevrede om ‘n kind van Afrika te wees….hierdie pragtige gedig van jou!!!!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 382
Kommentaar telling: 935

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 73 gaste aanlyn

Bydraes – Argief