Mamma se kaggelvuur
mamma wie sit daar op jou skoot
my handjies is blou en dit kraak
buite huil die windjie se hart
hy weet ook jy is lankal dood
die takke wat krap op die dak
klink kwaad vir stoute winter
die blommetjies het net gevrek
en miere maak nes op die rak
maar binne dans die kaggelvuur
met lekkend’ geeltong alom
in die glas se boepens konkaaf
glim rooidruif se laatoes sap
onder snoesige wolkombers
vroetel verstrengelde vingers
vier oë spel ‘n smagting storie
want ek is nou ook ‘n mamma
met ‘n warm liefdesvers
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
5 Kommentare
-
-
Evelyn van der Merwe
Nederige dankie Neels, jou inloer en gereelde kommentaar gaan nie ongesiens verby nie. Mooi daggie verder.
-
-
Ronel Janse van Vuuren
Mooi gepen. Hou van die konstraste wat jy gebruik - die begin het amper soos 'n riller geklink ;-)
-
Evelyn van der Merwe
Dankie vir die inloer en saamlees.
-
-
Anze
Pragtig, baie dankie vir jou bydrae tot die Winter nostalgie projek
Maak 'n opvolg-bydrae
Jy moet aangemeld wees om 'n kommentaar te plaas.
neels
Ai Evelyn jou digkuns raak net al beter