Jongste aktiwiteit:

September

Deur dowwe grys
van swaar wintersdae
breek skugter, die
nuwe blomgesiggies deur,
die spikkels van die lentereën
vorm ‘n groen mirage
van nuut gebore seën

‘n sonbal
wat oor dorre vlaktes rol,
dans duwweltjiesblom
baldadig dog kuis
tussen skoenlappervlerk geruis

waar eens dorings en distels was,
bot ‘n duisend en meer
grasgroen blare teen skurwestam
waar voëlnessies slingerend swaai
daar waar lentewind
onhoorbaar tiekiedraai

in sagte pienk
vorm die truksvy in geheim
(verbode vir mense-oog) in sy kiem
reeds sy stroopsoet saad,
die lewe is mooier as mooi
in Septembermaand
want alles is in bloeisels
getooi.

© Anzé Bezuidenhout




Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

5 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed