Jongste aktiwiteit:

Bottelskim

Ek wil jou in ‘n bottel bêre
in die binnesee van my siel
sodat ek eendag weer kan onthou
hoe jy my hart laat klop het
toe lig deur my vingers wou glip
toe vryheid in my
om my
vlerkloos gefladder het
toe my spore soos wasemwolke
tussen sonverslaafdes verdwyn het

want sonder dat jy dit weet
herhaal jy jouself
in die kantellyne
van my kop
tussen wakker en slaap
wanneer ek spartel
tussen lewe en dood.

© Okt 2021 Caren Kearley
FB: Nimfoleptiese Woorde




Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed