Brief aan my kroos
Wanneer die kersvlam
flikkerend verflou
sal jul o sal jul
my dierbare kroos
die omgee en liefde
van jul mamma onthou
Soos donderweer dreun
weet ek was ook bang
maar dis net Liewe Jesus
wat Sy reëndruppels vang
so wees dan nooit bevrees
kyk ek sal in die wolke wees
As jul voor ‘n kruispad staan
moet jul op jul knieë gaan
korrekte weg sal Hy aanwys
sou dit in Sy raadsplan wees
lê slegs geduld aan die dag
dis reeds op Sy kaart ingelees
Wanneer lysie kruip oor die gras
loer net ‘n bietjie in daai kas
al wat sy vra is ‘n krummel of twee
om dit aan haar kroos te loop gee
gewaar my in haar blydskap huppel
vergete is hartseer en die gesukkel
Reëls van lewe sal skeef-skeef draai
want wat ons saai dit sal ons maai
bo aan die lys moet paraatheid wees
Ieder en elk ontwaak met eie vrees
hou dan voet by stuk met Sy Woord
dan verdwyn vyand ver oorboord
As masjiene my liggaam moet beheer
groot seblief moet jul summier keer
met alles hier het ek vir jul baklei
my plekkie is reeds Daar voorberei
ek hou jul styf teen my hart-weet dit
eendag sal jul weer op my skoot kom sit
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
14 Kommentare
-
-
Evelyn van der Merwe
Inderdaad. Dankie.
-
-
Somerreën
Baie spesiale woorde die....Pragtige gedig Evelyn.
-
Evelyn van der Merwe
Dankie, waardeer jou inloer en saamlees.
-
-
neels claasen
Ek stem Evelyn vergeet die masjiene. Jy beroof daardie een van hemelse tyd
-
Evelyn van der Merwe
Dankie almal, ek het gestoei deur hierdie ene. Waardeer jul kommentare.
-
Anze
sjoe hierdie is 'n hoendervleis gedig!!! Diep uit jou hart gegrawe.. pragtig hoor!
-
Evelyn van der Merwe
Hierdie is letterlik met trane gepen. Dankie vir jou inloer.
-
-
Kiekies
Pragtig evelyn!
-
Evelyn van der Merwe
Waardeer jou inloer en saamlees.
-
-
Viooltjie
Goed geskryf, Evelyn. Dis propvol diep emosie :-)
-
Evelyn van der Merwe
Inderdaad. Dankie vir jou wandeling hier..
-
-
Amazon
Puik, diep, hartroerend As masjiene my liggaam moet beheer groot seblief moet jul summier keer met alles hier het ek vir jul baklei my plekkie is reeds Daar voorberei ek hou jul styf teen my hart-weet dit eendag sal jul weer op my skoot kom sit baie mooi gestel, ek hou hiervan.
-
Evelyn van der Merwe
Opregte waardering vir jul inloer, saamlees en kommentaar.
-
Maak 'n opvolg-bydrae
Jy moet aangemeld wees om 'n kommentaar te plaas.
borrels
Kosbaar ...