
Donsveer-woorde (Goud)
in die dorre landskap
van menslike onvrede
soek ek vergeefs
na die geel
van ‘n helder
sonneblom
om my weer terug te lei
na die oewers
van daardie plek
waar waters van rus
geluidloos oor my kan spoel
waar ek met woorde
sag soos donsvere
in die skadu’s van lig
die son se strale kan vang
diamantsterre
alkant van die sekelmaan
kan hang
dan sal my siel in vryheid sing
met woorde van kleur
wat donker leegheid
na lig transformeer
©Anzé Bezuidenhout
*Voorlesing deur Andries Fourie
2 Kommentare
-
Elizabeth
Lieflik, Anzé!
Maak 'n opvolg-bydrae
Jy moet aangemeld wees om 'n kommentaar te plaas.
Nelmari Barnard
Dis beeldskoon