Welkom, Besoeker
Welkom, Besoeker

Titel: Ek Wil Protesteer Meneer

Deur Woordsmous
Datum gepubliseer: 23 Maart 2018 Aantal woorde: 220 535 Kere gelees 15

Ek wil protesteer meneer
ek wil praat oor onse weer meneer
vanlat myse onthou mos beginne
ken ek nooit die droge dinge
wat ek hier so om my siet
geen skaduweetjie wat ons bome bied

Ek wil protesteer meneer
ek wil vra waar kry ons hulp meneer
as myse kinners so loop honger ly
waar sil ekke dan ‘n stukkie brood kan kry
om hille honger pensies te kan vul
of anners net die dors wat hille het kan stil?

Ek wil protesteer meneer
ma moeilikgeit wil ekkie maak meneer
want waar sil onse help vandae kom
as ons so vannie droogte stom?
As ons nie eers kan vra nie
vir bietjie help om onse las te dra nie?

Ek wil protesteer meneer
ma ek willie praat teen onse Heer meneer
want ek weet Hy ken my ytgaan en loop sit
al raak ek vannie hongerte skoon asvaal wit.
Mar onse mense is mos Sy twee hanne
wat moet aangee al die olie in Sy kanne?

So ek het klaar geprotesteer meneer
ek weet die Vader Hy gee onse weer
en Hy sil onse jammer klagtes ammal hoor
want waar Sy oge is, is ok Sy oor.
Hy lyster na onse klagtes en onse sôre
en ons, ons moet nou net gedilt het tot die môre…

©Anton Bosch 03/03/2018




TEMAS
1 Kommentaar
  1. Anze

    24 Maart 2018

    Pragtig, baie dankie vir jou bydrae tot die Maart 2018 – Digkuns projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 118
Kommentaar telling: 42

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 125 gaste aanlyn

Bydraes – Argief