In die soepelheid van jou krag
soggens as die kartelson
in warboel met klanke van geel
oor die Westerkim ontplof
dartel die tortelkoer van
genadeduiwe soos ‘n heil’ge
siterspel op fladdervlerke na Bo
Tambotieboom in die
bruingloed van henna en
rooiborsduif wat in blare
soos granaatpit in skarlaken blom
en iewers in die agtergrond
die Neushoring wat binnemonds brom
met malse vreugdes-Hossanas
dwarrel die oggendwind
oor tenger grassade wat
knielend buig
voor die trippelgang
van die speelse wind
en so uitbundig
hul vreugde betuig
in die natgeur van dou
bedrupte grond, roep die
natuur dan saggies jou naam
en skryf met die spikkelveer
van ‘n verdwaalde tarentaal
minnebriewe op die
wasem-vensters
van my hart, en
vul my boepens
met die soepelheid
van jou krag
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
6 Kommentare
-
-
Anze
Baie dankie Carma ek waardeer jou mooi woorde
-
-
neels
Anze jy het my asem weg. Hierdie is een van jou bestes ooit en getuig van n nuwe rypheid in jou digkuns wat na vore kom en ek ditto Carma
-
Anze
baie dankie Neels ek waardeer jou kommentaar uit my hart
-
-
Evelyn van der Merwe
Ek ditto Viooltjie. Pragtig gepen. Jy toor met die natuur.
-
Anze
Baie dankie Evelyn ek waardeer jou mooi kommentaar
-
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Pragtige natuurskets, Anze. Ek dink elke strofe kan eintlik op sy eie ook as gedig staan :-)