Laat-lente tuin

Laat lente het jy haar gevind
Waar sy in jou tuin
Van blom tot blom dwaal
Soms ‘n bietjie langer stil staan

Jy het na haar gegaan
In bepeinsing oor waarna sy daar so staar
Langs haar stil gaan staan
In stille verwondering die prag aanskou

Teer vat jy haar hand – spreek sy tot jou hart
Wys sy jou die laventel van verdraagsaamheid, pluk sy vir jou ‘n bossie kappertjies vir begrip
Laat sy jou af buk na die kleurvolle gesiggies van liefde
Hou dan na jou uit ‘n spierwit roos van hoop

Dit kan maar laat lente wees in jou tuin
Die somer lê nog voor
Al taan die lente blomme . . .
Vir jul is daar nog vele uitbundige sonskyn dae oor!!

©Marsofine Krynauw
6 November 2019

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag