My allerliefste…

liefsteling, skenk, ja stuur daagliks vir my troos;
met ‘n boodskap van mirre uit die dieptes
van jou binnekant en sein jou bekoring
in safraangeel koring, kom stuur jou boodskap
aan my in rooi (so helder soos die son)
en hanteer my teersag soos ‘n Noagsduif
omhels my met die groen van ‘n olyfblaar en;
sprei jou vlerke soos engellig – heilig en veersag

kom genees die brakwater van ons onseker tye
met die roer van jou hand, verkwik my
innerlike met ‘n wit engelsoen en
dra my na die rooi van die wegsakson
want met jóú vlerke sal ons dan verder vlieg

© Anzé Bezuidenhout

*Neologismes – engellig & Noagsduif & binnekantsalf
* Interteks – Breyten Breytenbach.(Allerliefste, ek stuur vir jou ‘n rooiborsduif)

Allerliefste, ek stuur vir jou ‘n rooiborsduif

Allerliefste, ek stuur vir jou ‘n rooiborsduif
want niemand sal ‘n boodskap wat rooi is skiet nie.
Ek gooi my rooiborsduif hoog in die lug en ek
weet al die jagters sal dink dis die son.
Kyk, my duif kom op en my duif gaan onder
en waar hy vlieg daar skitter oseane
en bome word groen
en hy kleur my boodskap so bruin op jou vel

Want my liefde reis met jou mee,
my liefde moet soos ‘n engel by jou bly,
soos vlerke, wit soos ‘n engel.
Jy moet van my liefde bly weet
soos van die vlerke waarmee jy nie kan vlieg nie

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag