‘n Kwêla lied
ontmoet my vanaand
onder ‘n sekelmaan se buig
waar die naguil roep
en die rooi’jakkals
mistroostig huil
omkring my met jou aura
onder die Mopanieboom
luister na my hart
wat ritmiese met
joune klop
neurie met paddakoor
dan ‘n kwêla lied
op die noot van
krieke viool
vir my om stil te hoor
© Anzè Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
4 Kommentare
-
neels
Anze hierdie een verdien beslis tien gou sterre by my
-
Ronel Janse van Vuuren
Pragtig. Hou van al die nag-geluide.
-
Koekekranka
Ai, Anze, net 'n in-murg-en-been Bosveldmensier kan so uit die naggeluide romanties raak... Pragtig my kind!
-
Maak 'n opvolg-bydrae
Jy moet aangemeld wees om 'n kommentaar te plaas.
Kandas
Briljant!