Songroet (Goud)
daar is soveel mooi in jou koebaai met jou terugkeer net hier om die draai en dis die kleure van jou nagsêblos wat in die stories van my slaap kom blaai Andries Fourie (Seirdna) 12.07.2022
Droombeeld
Ek mymer oor jou waar jou rok sleep in stof talryk soos seesand jy kan niks sien nie maar toe ek wakker word laat ek jou lewe in die goudpleetblare van herfs met my seisoengerigte gedigte. © Zebulon Kochk
HOE LANK (goud)
Hoe lank sal dit vat om gedagtes te ontbind sodat ek net weer die mens binne my kan vind want my wag het lankal die lewe ingeskiet terwyl ek toekyk hoe spore orals vergaan in die wind. © 7/2022 Caren Kearley FB: Nimfoleptiese Woorde
sonneblom (brons)
sonneblom sy is ‘n vrolike sonneblom wat lentetyd langs die rivier opkom en regop en fier daar staan met haar gesig altyd na die son
skoon (Silwer)
in die ryptrap van ‘n winterslandskap trap die koue knars genadeloos-genadig sodat die lente se weerbegin skoon kan wees
Winter in my gemoed.
Winter in my gemoed. Met die winter wat nadersluip het ons aanstons kouer temperature op hande. Alhoewel daar baie mense is wat floreer in die winter, is winter ook die seisoen vir skete. Gou-gou kom die son soggens later op en sak ook al hoe vroeër saans. Die temperature daal en die aande raak heelwat […]
Kaalvoet Pad
in die son verskroei pad skuifel voete skurf oor vaal sand in selle steriele land groei ń sprietjie gras die groenste groen
Karoo Kennis
motor dreun bring onbekende stofwolk op die jakkels geur wind in die middagson spaander wit kolle verskrik deur bossieveld mensedade van skeer en slag is wel bekend ooi en kind huppel weg…
MY WENS VIR JOU
Mag die son altyd helder voor jou skyn sodat jy sal weet in watter rigting om te gaan mag jy gereeld op die dak van die nag klim om stringe sterre net vir jouself te pluk mag jy elke dag crave na ‘n nuwe avontuur vars water uit lopende stroompies drink nuwe grondpaaie sonder mensgemaakte […]
Skakerings van winter (Silwer)
Met die nanag se sterwensuur het jy ons karos afgeskop en gepleit: “staan op my lief, kom kyk vóór die die winterveld se skoonheid na sonop weer verbleik!” Hand-aan-hand met die vleiland langs waar Verloren Vallei idillies (stil)lewe het jy my deur die veld gelei – my oë het betraand van die koue gebrand – […]
