wagtende wieg (SILWER)
wagtende wieg
o, die opwinding is so groot, die vreugde!
met swangerskaptoets in geskenkverpakking
het ek die nuus oorgedra met sterre in my oë
ons ouers wat groot-oog in blydskap deel
een grou grys oggend ontwaak ek met sombere gevoel
… iets is nie heeltemal pluis nie en met klemmende kommer
is ons na ons dokter om die ginekoloog te gaan besoek
sy verpletterende nuus: oop serviks! oopverlies!
o Heer, waarom die verskriklike vonnis
die gevoel van verslaentheid en verlies
die skok, hartseer, woede en verlorendheid
tref my so kil klinies koud as my gille die stilte skeur
O Heer, leer my om weer te leef met vertroue
as ek kyk na die wiegie wat leeg wag …
©Marlene Erasmus
31/03/2022
*Neologisme
“oopverlies” deur “oop” verskriklike verlies beleef
3 Kommentare
-
Anze
Pragtig, baie dankie vir jou bydrae tot die Maart 2022 – OOP projek
-
Marlene Erasmus
Dankie DIDI ...
Maak 'n opvolg-bydrae
Jy moet aangemeld wees om 'n kommentaar te plaas.
Didi
Besonder mooi geskryf, voel daai verlies.