Ewenaar van ons dink
soos ‘n brandsiek koud-kry brak
kom huil die klam winterwasem
om die huis se westehoek,
dit rittel en beef en
vat-vat aan die naat
van my corduroy-broek
maar, in die glinster
van my sjerrieglas
vonkel sillabes van
jou dink se loop
en ontbrand as weghol vure
wat warm deur my are bruis;
kruis en dwars oor die ewenaar
daar waar ons gedagtes
eufories oorkruis
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
14 Kommentare
-
-
Anze
Baie dankie Palet ek waardeer jou inloer en kommentaar
-
-
Viooltjie
Die aangename warmte van samesyn kom mooi oor in hierdie gedig, Anze :-)
-
Anze
Baie dankie Viooltjie, ek waardeer jou altyd
-
-
Evelyn van der Merwe
Goeie teenstellings gebruik.
-
Anze
Baie dankie Evelyn
-
-
Amaspoke
Jy beskryf die koue mooi. Pragtige skrywe
-
Anze
Baie dankie Casper ek waardeer
-
-
neels
Ek kry eintlik koud so mooi beskryf jy dit
-
Anze
Baie dankie vir jou mooi woorde en saamlees Neels
-
-
Koekekranka
Nostalgies...? Koud...? Hetigbrandend sou ek sê! Pragtig gedoen Ounooi!
-
Anze
Baie dankie vir jou stilstaan en gereelde lees KK ek waardeer dit baie
-
-
Kiekies
Hierdie gedig bring vonkelwyn bruising in my te weeg! Heeeerlik. Het jy bedoel om corduroy anders te spel?
-
Anze
Baie dankie Kiekies, ek het die vingerglip reg gestel (DANKIE!!!)
-
Maak 'n opvolg-bydrae
Jy moet aangemeld wees om 'n kommentaar te plaas.
Palet
Puik geskryf..