Welkom, Besoeker
Welkom, Besoeker
Taal waarskuwing*

Titel: Huistoe

Deur Caren Kearley
Datum gepubliseer: 28 Mei 2021 Aantal woorde: 132 525 Kere gelees 12

‘n olyfboom staan wild teen die voet van Kasteelberg
aronskelke blom nie meer hier nie
die blou lug hang in dik wit wolke
aan die hemelruim se wange
ek kyk oor die vallei
Hadida’s steel die stiltes
mense kom en gaan woelig
party bly te lank
ander slaap net oor
en soms sterf iemand hier

ek draai om en volg my eie spore
terug huistoe
terug na die plek waar ek myself weer kan vind
‘n boek kan lees
op ‘n stoep langs ‘n tuin dammetjie
selfs saggies saam met Frank Sanatra
what a wonderful world kan sing
myself in die son se strale kan laat skitter

hier waar ek op jou rusbank kan sit
my bibberlyf in jou arms toe kan toevou
tot onsterflikheid ons wegvoer.

© 2021 Caren Kearley
Kopiereg voorbehou




TEMAS
1 Kommentaar
  1. Anze

    28 Mei 2021

    Pragtig, baie dankie vir jou bydrae tot die Mei 2021 – OOP projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 176
Kommentaar telling: 29

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 141 gaste aanlyn

Bydraes – Argief