Strooi my as oor die oseaan.
los my daar
wild en stormvol en ewig
vleesloosvry en hawevoos;
met bruisende golwe
tussen wind, sterre en die maan,
dobberend tussen kontinente –
laat my vaar,
vortex om my realiteit
toeskietlik in my onvergangklikhied.
Strooi my as oor die oseaan.
vergeteld in die eggo van my bestaan,
© Junie 2021 Caren Kearley
Kopiereg voorbehou
(BRONTEKS)
Plak my teen die linies,
maak my staan
bont en sterk en luid
geveg-gereed en bewapen;
die aanval is pylsnel
op klank en woord en wyse,
op aanbou en plant en saailing –
laat ek onbesuis,
onbedaard lewe bloei
in die voertaal van my erfmaking.
Plak my teen die linies,
slaggereed, in laer met pen en ink.
© Ink Moderator
TEMAS
Anze
Pragtig, baie dankie vir jou bydrae tot die Junie 2021 – intertekstualiteit projek