Lewenstryd (Silwer)

Die onsekerheid in vele oë
vind aanklank in menige stem
wat wanhopig skree
teen hierdie stryd se rem

nooit het ons kon dink
óf ons lewe daarvolgens beplan
dat hierdie lot ons sou vind
‘n weemoedsnet om ons span

stil en magteloos
onseker oor die verloop
totaal uitgelewer en broos
verpletter in wanhoop

al word toekomsdrome omvergegooi
bied die lewe nog steeds sy kwota mooi
daar’s altyd hoop
al voel ons tans van als gestroop

genade is onbeskryflik groot
kom skuil by die Heer
en voed daagliks op sy lewensbrood
Hy . . . sal ons hierdeur dra.

©Driekie Grobler

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag