Welkom, Besoeker
Welkom, Besoeker
Taal waarskuwing*

Titel: Sinlik belustig (goud)

Deur Caren Kearley
Datum gepubliseer: 27 April 2022 Aantal woorde: 113 346 Kere gelees 11

Met haar drome nog styf teen sy hart vasgemeer
het sy nardusolie aan sy voete kom smeer
plaksels van sy siel het een-een afgedop
gister se newels het om hul stof opgeskop

sy asem het wild-warm in haar nek geblaas
‘n hele wye wêreld het in haar kop begin geraas
helder in haar eensaamheid het sy haarself onthou
geroep na ‘n Heiland om aan vas te klou

haar woorde het koud in haar gebed geraak
en toe hy met kaal hande haar bors ook oopkraak
moes sy haar offers in sy skoot kom neerlê
asof dit haar sou red van alles wat hy nog wou hê.

© April 2022 Caren Kearley
FB: Nimfoleptiese Woorde




TEMAS
4 Kommentaar
  1. Anze

    27 April 2022

    Pragtig, baie dankie vir jou bydrae tot die April 2022 En toe … projek

  2. Elizabeth

    28 April 2022

    Sjoe, dis lieflik Caren!

  3. Driekie

    29 April 2022

    Soos altyd, uitsonderlik geskryf!

  4. Caren Kearley

    19 Junie 2022

    Dankie Anze, Elizabeth en Driekie. Ek waardeer julle mooi woorde opreg,

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 202
Kommentaar telling: 34

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

 

SOLIDARITEIT – Trotse borg van INK dig/skryf kompetisie

 

Gebruikers Aanlyn

2 Lede, 182 gaste aanlyn

Bydraes – Argief