Smeekbede (Silwer)

laat my losbreek . . .
vry en hoog vlieg
om my vlerke, vir jare reeds geknip
tot wasdom te laat groei

laat my nóú ontsnap . . .
ongebonde glyvlieg
om nuwe reisweë te ontdek
die heelal se hemelstraat
met vertroue te vind

ek wil vergeet van aardse *treurspel
van vrees en smart
pyn en haat
liefde wat smaad

laat my rus waar genoeë is
beskut in hemelse sekerheid
met versoening wat weemoed stuit

©Driekie Grobler
*treurspel – drama

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag